Како да се учествува на конкурсот

1. Филмовите да се дипломска работа на режисерот и директорот на фотографија за што се доставува потврда/изјава. Ќе се смета за предност ако во проектот се вклучени студенти по сценаристика (драматурзи) продукција или менаџмент, дизајн на звук, сценограф, костимограф, аниматор и други позиции, освен актери.
2. За учество на конкурсот потребно е да се испрати синопсис (до една страница и половина), играно сценарио, карактеризација, режисерска, продуцентска и продукциска експликација.
3. Други продукциски, визуелни или наративни содржини кои според авторот подобро го претставуваат филмот.
4. Филмовите да се со должина до 15 минути од оттемнување до затемнување.
5. Да бидат реализирани и подготвени за киноприкажување до 1 ви Јули 2025 година и премиерно во Македонија да бидат прикажани на фестивалот ``Преку езерото`` во следната 2025 година. Учествата на други фестивали во Македонија и светот се препорачани.
6. Не постојат родови или други ограничувања во изборот на теми, жанрови или формати.
7. На конкурсот не може да учествуваат продукции, здруженија или трговски друштва. Средствата се доделуваат на режисерот или продуцентот и тие одлучуваат за буџетот и начинот на трошење на средствата во соработка со продукцијата Синемон Медија Фактори.
8. Дополнителна предост ќе имаат проекти кои по слободен избор на авторите ќе се снимаат на локации во југо-источна Македонија, или режисерот живее и работи во регионот.
9. Режисерот и продуцентот (кој може и да е дипломиран но ова да му е дебитантски - самостоен проект) можат да се пријават и заедно, што ќе се смета за предност.
10. Право на ``фајнл кат`` има режисерот.
11. На конкурсот ќе се финансираат најмногу до 3 (три) проекти во вкупна вредност на секој одделен проект до 1.000.000 (еден милион) денари во професионална филмска техника за снимање на слика, звук и монтажа, транспортни, организациски, кетеринг и/или други продукциски услуги, од кои во паричен износ до 100.000 (сто илјади), 80.000 (осумдесет илјади) и 60.000 (шеесет илјади) денари, наменети за покривање на продукциски и други буџетски предвидени расходи за предпродукција, продукција и пост продукција, освен хонорари на авторите.
12. Конкурсот трае до 15 Јули 2024 година. Пријавите се доставуваат исклучиво по електронски пат на следната адреса: konkursprekuezeroto@gmail.com .
13. Избраните проекти ќе имаат завшен пичинг на фестивалот ``Преку езерото`` пред академска комисија, каде што до крајот на фестивалот (најдоцна до 10 ти Август 2024 година) ќе бидат избрани и доделени 3 (три) грантови за три одделни филмови.
14. Пријавите се доставуваат на македонски јазик.

Претседател на Советот на фестивалот

М-р Мими Ѓорговска Илиевска