Фестивалот на медитеранскиот и балканскиот филм „Преку езерото“ објавува отворен повик за учество на Работилницата за развој на сценарио и продукција на дипломски или дебитантски кусометражен игран филм.

Во текот на петдневната интензивна програма учесниците ќе работат на:

• Развој на сценарио и продукција за дипломски студентски филм
• Развој на сценарио и продукција на дебитантски краткометражен игран филм

Под водство на искусни професионалци од филмската индустрија, учесниците ќе ги унапредуваат своите проекти низ менторски сесии, презентации и практична работа.

Избраните проекти ќе добијат:

• Финансиска поддршка за реализација;
• Грант во техника и опрема;
• Продукциска поддршка;
• Материјални средства за снимање и постпродукција.

Студентска категорија

• Студенти на завршна година на филмските академии во Македонија;
• Македонски државјани кои студираат филм во странство.

Дебитантска категорија

• Дипломирани режисери, сценаристи и продуценти;
• Автори кои сè уште немаат реализирано дебитантски краткометражен игран филм.

Препорака

Проектите е пожелно да бидат пријавени од тим составен од режисер, сценарист и продуцент.

• Покриени трошоци за престој и учество;
• Менторства со врвни филмски професионалци;
• Вмрежување со автори и продуценти;
• Можност за презентација и продукција на проектот;
• Професионална филмска техника и опрема;
• Студио и услови за обработка на слика и звук;
• Продукциска и професионална поддршка.

1. Синопсис (до 1 страница)
2. Разработено сценарио или treatment (до 5 страници)
3. Биографии на членовите на тимот
4. Мотивациско писмо
5. Контакт податоци

Дојран – магичното срце на југот, каде што новите филмски гласови го започнуваат својот пат.

Им посакуваме успех на сите студенти, млади автори и дебитанти!